Det kraftigste lynet på jorden
Ikke nå, ikke vi, ikke så dyrt. Slik lyder den nye klimamotstanden, og den har nådd norsk politikk. Det er dårlig nytt for et land der over halvparte...
Nyheter
Publiseringsdato: 10. mai, 2004
Skrevet av: Hanne Bakke
Nyheter
Hydrogeninfrastruktur:
Det er FuelCell Today som har gjort opp status for verdas hydrogenfyllestasjonar, og det viser seg at i fjor vart det bygd heile 22 nye stasjonar.
– Ein auke på 33% i løpet av eit år er svært gledeleg, seier hydrogenansvarleg i Bellona, Isak Oksvold. Her i Norge har vi førebels berre ein, AGA sin på Furuset, men vi håpar sjølvsagt å sjå fleire rundt i landet slik at vi får bygd ut ein skikkeleg hydrogeninfrastruktur, seier han.
I følgje FuelCell Today sin rapport er det i California ein ser den største auken i hydrogeninfrastruktur. Der har både styresmaktene og ulike organisasjonar sett opp tempoet på hydrogenarbeidet sitt. Dette både på infrastruktur sida, og når det gjeld testing av nye brenselcelle køyretøy. Blomstringa av nullutsleppsteknologi i California kan i ein viss grad tillegjast guvernør Schwarzenegger som har som mål å gjera staten leiande på området. Innan utgangen av dette tiåret har guvernøren som mål at hydrogendrevne brenselcellebilar skal være på marknaden, noko han vil oppnå ved å bygge 200 hydrogenfyllestasjonar rundt om i California. Også den amerikanske presidenten er ivrig hydrogenforkjempar, og George W. Bush har gått inn for å auke dei føderale bevilgningane til utvikling av brenselcellebilar og fyllestasjonar med 43%.
EU har, i motsetning til USA, ratifisert Kyoto-protokollen og som ein del av forpliktingane i denne skal utsleppa av klimagassar kuttast. Eit av tiltaka for å oppnå dette har vore å innføre DaimlerChrysler brenselcellebussar i 10 byar rundt i Europa. Trass i dette ligg likevel Europa eit godt stykke etter både USA og Japan i hydrogensatsingane.
FuelCell Today sin rapport viser også at det til ein viss grad eksisterer ein Catch 22-situasjon der køyretøyprodusentane ventar med den heilt store satsinga til ein infrastruktur er på plass, samstundes som energi og hydrogenleverandørane treng kjøparar og køyretøy for å satse på utbygging av infrastruktur.
Trass i dette er det mykje optimisme å spore og fleire energiselskap og bilprodusentar satsar no stort for å utvikle småskala fyllestasjonar som er dimensjonert for å fylle eit par bilar i døgnet.
Ikke nå, ikke vi, ikke så dyrt. Slik lyder den nye klimamotstanden, og den har nådd norsk politikk. Det er dårlig nytt for et land der over halvparte...
Kan enzymer bidra til å løse plastproblemet? Gjennom fem år har forskere i Enzyclic-prosjektet undersøkt mulighetene for enzymatisk nedbrytning og gj...
Stortinget forhandler nå om statsbudsjettet for 2027. Bellona deltok i høringer i finanskomiteen 14. oktober, næringskomiteen 22. oktober og energi- ...
Bellona-stifter Frederic Hauge er tildelt prisen «Årets karbonfanger 2026» av Polyteknisk Forening. Selv etter flere tiår med arbeid for CCS mener Ha...